Михаил Кукушкин Хельсинкидегі турнирдің ширек финалына шықты
Әлемнің 239-ракеткасы М.Кукушкин екінші айналымда дүниежүзілік рейтингте 298-орында тұрған ресейлік Евгений Карловскиймен кездесті.
Бірінші партияда қазақстандық теннисші басымдылық танытты – 6:4.
Екінші сетте есеп 4:2 болған кезде қарсыласы матчты жалғастырудан бас тартты. Бір сағаттан астам уақытқа созылған бәсеке барысында М.Кукушкин 6 эйс, 4 брейк жасап үлгерді.
М.Кукушкин жартылай финалға шығу үшін әлемнің 140-ракеткасы, германиялық Янник Ханфманн немесе рейтингте 153-сатыдағы ұлыбританиялық Райан Пенистонның біреуімен таласады.
Тағы бір қазақстандық Бейбіт Жукаев Жапонияның Кобе қаласында челленджер жарысының екінші айналымында әлемнің 84-ракеткасы, аустралиялық Кристофер О'Коннелмен шеберлік байқасады.
Еске сала кетейік, бұдан бұрын қазақстандық теннисшілердің халықаралық турнирлерді жеңіспен бастағанын жазған болатынбыз.
Сондай-ақ қазақстандық жас теннисші Грекиядағы турнирде жеңімпаз атанды.
Теннистен қазақстандық төреші күміс белгі иегері атанды.
Фото: sports.kz