Михаил Кукушкин Марсельдегі турнирдің екінші кезеңіне өтті
АСТАНА. ҚазАқпарат - Қазақстандық теннисші Михаил Кукушкин Марсельде (Франция) өтіп жатқан АТР 250 турнирінің сериясында екінші айналымға өтті, деп хабарлайды Olympic.kz.
Алғашқы кездесуде Кукушкин америкалық Денис Кудланы екі сет қорытындысы бойынша 6:3, 6:3 есебімен жеңді.
Келесі кезеңде қазақстандық теннисші канадалық Денис Шаповаловқа қарсы ойнайды.
Марсельдегі турнирдің жалпы жүлде қоры - 668 485 еуро.
АТР 250 әлемдік туры - АТР ұйымдастыруымен өтетін кәсіби теннисшілерге арналған турнир. Ерлер арасындағы аталған жарыстар тізбегіне 40 турнир кіреді.
