Михаил Кукушкин Сиднейдегі кәсіби теннисшілер қауымдастығы турнирінің жартылай финалына өтті

АСТАНА. ҚазАқпарат - Қазақстандық теннисші Михаил Кукушкин Сиднейдегі (Австралия) кәсіби теннисшілер қауымдастығы турнирінің жартылай финалына өтті.

Қазақстан теннис Федерациясының баспасөз қызметінен хабарлағандай, ширек финалда қазақстандық аргентиналық теннисші Хуан Мартин Дель Потродан екі сетте -7:6(5),7:6(3) есебімен басым түсті.

Енді Кукушкин жартылай финалда француз Жюльен Беннето мен аргентиналық Леонардо Майер арасындағы матчтың жеңімпазымен кездеседі.