Милан Барош «Ақтөбеге» ауыса ма?
АСТАНА. 6 сәуір. ҚазАқпарат - Әйгілі чехиялық футболшы Милан Барош жазда «Ақтөбе» клубына ауысады, деп хабарлады «Аламан» foorballczech порталына сілтеме жасап.
«Милан Бароштың биыл жазда «Баник острова» командасымен келісім шарты аяқталады. Футболшы Қазақстан клубына бір жарым жылға келісім шарт жасасады» деген бұл ақпаратта.
Милан Барош «Галатасарай», «Ливерпуль», «Лион», «Астон Вилла» командаларында да ойнаған. Чехия құрамасында 89 ойын өткізіп, 41 гол соққан. М.Барош 2004 жылғы Еуропа чемпионатында 5 доп соғып, бас мерген атанған. Ливерпуль сапында УЕФА Чемпиондар Лигасында топ жарған.
