Міндетті медициналық сақтандыру: 1 қаңтардан талаптар өзгерді
НҰР-СҰЛТАН. ҚазАқпарат - 2022 жылдың 1 қаңтарынан бастап міндетті әлеуметтік медициналық сақтандыру талаптары өзгерді, деп хабарлайды ҚазАқпарат.
Жұмыс беруші қызметкер үшін оның жалақы деңгейінің 3%-ын төлейді, бірақ 18 000 теңгеден аспайды.
Қызметкерлер, оның ішінде азаматтық-құқықтық сипаттағы шарттар бойынша табыс алатындар өз табысының 2%-ын, бірақ 12 000 теңгеден аспайтын мөлшерде, төлейтін болады.
Жеке кәсіпкерлер және жеке практикамен айналысатын адамдар - ЕТЖ-ның 1,4 еселенген мөлшерінің 5%-ын немесе 4 200 теңге төлейді.
БЖТ:
қала тұрғындары үшін - 1 АЕК немесе 3 063 теңге;
ауыл тұрғындары үшін - 0,5 АЕК немесе 1 531,5 теңге.
Дербес төлеушілер ЕТЖ-ның 5%-ын немесе 3 000 теңге төлейтін болады.
Мемлекет азаматтардың 15 жеңілдігі бар санаты үшін төлем жасайтын болады, бүгінде бұл санаттағылар11 млн-нан асады. Бір адам үшін жарна мөлшері 3 614,2 теңгені құрайды.
Еске салсақ, бұған дейін де 1 қаңтарынан бастап ең төменгі жалақы (ЕТЖ) мен айлық есептік көрсеткіштің (АЕК) артуына байланысты міндетті әлеуметтік медициналық сақтандыру (МӘМС) үшін төленетін жарналар мен аударымдар мөлшері өзгеретіндіге туралы хабарлаған болатынбыз.
