Minerals.e-qazyna.kz бірыңғай платформасы құрылады
АСТАНА. KAZINFORM – Minerals.e-qazyna.kz бірыңғай платформасы құрылады. Бұл туралы Үкімет отырысында Өнеркәсіп және құрылыс министрі Қанат Шарлапаев айтты.

- Жер қойнауын пайдалану және геология салаларын автоматтандыру мақсатында minerals.e-qazyna.kz бірыңғай платформасын құру бойынша халықаралық тәжірибе негізінде жұмыстар жүргізілуде. Бірыңғай платформада инвестордың өтінім беруінен бастап, лицензия алуына дейін цифрландырылған процесс іске асырылады. Осы бағытта Финляндия геопорталының моделі негізге алынды, - деді Қанат Шарлапаев.
Сонымен қатар министр былтыр және биыл өткізілген электронды аукциондардан бюджетке 9 млрд теңге түскенін айтты.
- Инвесторларға перспективалы учаскелерді таңдауды оңтайладыру мақсатында интерактивті карта әзірленіп, 66 мыңнан астам геологиялық есеп дайындалды, - деді ол.