Минск тобының тең төрағасы ретінде Франция Таулы Қарабақ жанжалын реттейтін шараларға қатысуға мүдделі- Франция Премьер-Министрі
АСТАНА. 1 желтоқсан. ҚазАқпарат /Руслан Ғаббасов/ - Минск тобының тең төрағасы ретінде Франция Таулы Қарабақ жанжалын реттейтін шараларға қатысуға мүдделі. Бұл туралы бүгін Астанадағы ЕҚЫҰ Саммитінде Франция Премьер-Министрі Франсуа Фийон мәлім етті.
Оның пікірінше, Таулы Қарабақ жанжалын реттеуде тек келіссөздер арқылы теңгерімді саяси шешім оңтайлы болады. «ЕҚЫҰ біздің ортақ тағдырымыздың символы болып табылады. Осы орайда Ұйым бұдан да белсенді іс-қимыл жасауға бейімделуі тиіс»,-деді Франция Премьер-Министрі.
Айта кетейік, ЕҚЫҰ Минск тобының басты мақсаты - Армения мен Әзірбайжан арасындағы жылдар бойы жалғасып келе жатқан Таулы Қарабақ жанжалын шешу болып табылады.
