Минскіде туристерге толы автобус оқтың астында қалды

АСТАНА. 30 шілде. ҚазАқпарат - Минскіде қаскөйлер туристік автобусқа оқ жаудырды. Бұл туралы жергілікті БАҚ хабарлайды,

деп жазды Утро. ру.

«Кырымнан келе жатқан беларусь туристері мінген автобус Партизан даңғылында оқтың астында қалды. Оқ терезелердің күл-паршасын шығарды, - деді жергілікті құқық қорғау органдарының өкілі. Абырой болғанда ешкім зардап шеккен жоқ. Атылған терезе жағында отырған жолаушылар оқиға болмас бұрын автобустан сыртқа шығып кеткен екен.

Милиция оқ жаудырғандарды іздестіруде. Алдын ала жасалған болжам бойынша белгісіз біреу пневматикалық қаруды қолданған.