«Мисс Талдықорған - 2017» анықталды

ТАЛДЫҚОРҒАН. ҚазАқпарат - Талдықорғанның ең көрікті аруы анықталды. «Мисс Талдықорған - 2017» тәжі Жадыра Жұмағұлға бұйырды. 20 жастағы бойжеткен «Мисс Қазақстан» байқауына жолдама алды, деп хабарлайды ҚазАқпарат тілшісі.

Қазылар алқасы бірнеше кезеңнен тұратын іріктеу сындарында арулардың ішінен 10 бойжеткенді таңдап, олар ақтық додаға  жолдама алды.

 

Шешуші кезең   3 турдан тұрды. Алғашқы айналымда бойжеткендер өзін таныстырса, келесі кезеңде арулардың сахнада өзін-өзі ұстауы, жүріс-тұрысы сынға түсті. Соңғы кезеңде бойжеткендер кешкі көйлекпен сахнаға шықты. Байқау қорытындысына сәйкес,   «Мисс Модель» - Нүсіпова Айым, «Мисс Brosh» - Картаева Əсел, «Мисс Сияние» - Көбенова Амина, Мисс «Той» event agency - Ақынбек Мадина, «Мисс Алиса» - Иманғалиева Лаура. Олар    байқау демеушілерінің номинациясы  бойынша жеңіске жетіп, бағалы сыйлықтармен марапатталды. Сондай-ақ «Көрермен көзайымы»  номинациясын  Амина Әділғазинова жеңіп алды. Ал   «ІІІ вице Мисс Талдықорған» - Ботагөз Төлеуханова, «ІІ Вице Мисс Талдықорған» -Сабина  Тимурқызы, «І Вице Мисс Талдықорған» - Аида Калибаева атанды. Мәртебелі «Мисс Талдықорған - 2017» тәжісі - Жадыра Жұмағұлға бұйырды.