ММА чемпиондары қазақстандық Анджелина Джолиге сәттілік тіледі

АСТАНА. ҚазАқпарат -  Бүгін елордада басталған қыздар арасындағы бокстан ел чемпионатында 64 келі салмақ дәрежесінде Қазақстанның талантты боксшыларының бірі Зарина Цолоева шаршы алаңға шығады, деп хабарлайды ҚазАқпарат.

ММА-дан Қазақстан чемпионы Варвара Полторанина,  ММА-дан Қазақстан чемпионы Ерназ Мұсабек және ММА-дан Қазақстанның екі дүркін чемпионы, Азия чемпионы Исмаил Героев Инстаграмдағы өздерінің парақшалары арқылы Заринаға ел біріншілігінде сәттілік тілеп, видеоүндеу жолдады .

ММА бойынша танымал кәсіби спортшы Сергей Морозов та Заринаның жеңіске жетуіне тілекші екендігін білдірді .

Естеріңізге сала кетсек, Зарина Цолоева 2014 жылы бокстан Қазақстан чемпионы атанса, 2016 жылы қола медаль иеленген еді. Ол спорт жанкүйерлері арасында өзінің бет-әлпетінің голливудтық жұлдыз Анджелина Джолиге ұқсастығымен есте қалған болатын.