Модильяни картинасы бәссаудада 170,4 млн долларға сатылды
АСТАНА. ҚазАқпарат - Итальяндық суретші, мүсінші Амедео Модильянидің жалаңаш бойжеткеннің суретін бейнелеген туындысы Нью-Йоркте өткен Christie's бәссаудасында $170,4 млн. сатылды, деп жазады New York Times.
1917 жылы салынған «Nu couché» суреті суретшінің бұрын-соңды сатылған картиналарының ішіндегі ең қымбаты және 9 санды баға көрсеткішімен оныншы өнер туындысы болды.
Осы сауда-саттықта поп-арт суретші Роя Лихтенштейннің 1964 жылы салынған «Медбике» туындысы $95,3 млн сатылды, бұл алдында белгіленген $80 млн. едәуір асып түсті.
Бәссаудада сатылған 34 лоттың жалпы бағасы $444 млн. құрайды деп күтілуде.
