Молдованың бірқатар қалаларында ТМД байрақтары көтерілді

САНКТ-ПЕТЕРБОР. 18 қазан. ҚазАқпарат - Молдова Республикасында ТМД байрақтарын насихаттау науқаны басталды. Акцияның бастамашысы - «Отаным - еуразиялық одақ» атты молдовалық қоғамдық ұйым. Бұл туралы ҚазАқпаратқа ТМД ПАА баспасөз қызметі хабарлады.

«Достастық елдерімен жақындасу бүгінгі күні басым бағыт болып саналады» - дейді сарапшылар.

Молдава мүшесі болып табылатын Достастық елдерінің тулары үш аудандық орталықта - Тараклии, Кагула және Вулкэнешть қалаларында пайда болды. Мұндай акция өте маңызды, өйткені біздің республикамыздың тұрғындары әлі күнге дейін ТМД рәміздерімен таныс емес, - деді акцияны ұйымдастырушы ұйымның өкілі, қозғалыс жетекшісі Игорь Тулянцев.

«ТМД байрақтарын ілу және Тәуелсіз Мемлекеттер Достастығы рәміздерімен танысу туралы бастамаға жергілікті тұрғындардың көзқарастары жылы болды», - дейді «Достастық» қорының директоры Борис Шаповалов.