00:50, 20 Сәуір 2026 | GMT +5
Моңғолия астанасында халықаралық тағам фестивалі басталды
АСТАНА. KAZINFORM —
Моңғол және әлемдік аспаздық мәдениетті таныстыруға бағытталған «UB Food Festival – 2026» халықаралық гастрономиялық фестивалі Ұлан-Батыр қаласының орталық алаңында өтіп жатыр, деп хабарлайды Монцамэ.
Фестивальге мейрамхана және азық-түлік индустриясының 30-дан астам кәсіпорны қатысып жатыр.
Келушілерге моңғолдың ұлттық тағамдарымен қатар әлемнің 18 елінің ас мәзірі ұсынылған.
Олардың қатарында қытай, жапон, корей, тай, үнді, грузин, итальян және басқа да асханалар бар.
Бағдарлама аясында танымал бас аспаздардың шеберлік сабақтары, түрлі фирмалық тағамдар, жанды музыка, өнер көрсетілімдері, сондай-ақ конкурстар мен гастрономиялық жарыстар ұйымдастырылған.
Айта кетейік, фестиваль 26 сәуірге дейін жалғасады.
Осыдан бұрын 2025 жылы Моңғолияға 847 200 турист келіп, туризмнен елге 700 миллион доллар табыс түскенін жазғанбыз.
