Моңғолия астанасында көлік қозғалысына шектеу қойылды
АСТАНА. KAZINFORM – Моңғолия астанасы Ұлан-Батырда 26 қыркүйекте 14-жыл қатарынан өткізіліп келе жатқан Көліксіз күн акциясы өтті, деп хабарлайды МОНЦАМЭ.
Акция аясында сағат 07:00-ден 18:00-ге дейін Ұлан-Батырдың бірқатар орталық көшелері мен қиылыстарында көлік қозғалысына шектеу қойылды.
Шектеу қойылған аумаққа автокөліктермен қатар электр самокаттар, мопедтер, электр велосипедтері және «Сур-Рон» үлгісіндегі көліктер де кіргізілмеді.
Акция кезінде 43 бағыт бойынша қатынайтын 448 қоғамдық көліктің бағыты уақытша өзгертілді.
Бұған дейін жанармай тапшылығы Моңғолияны автокөлік нөміріне қарай бензин сатуға мәжбүр еткені хабарланған.
