Моңғолия тауларында 10 альпинист қаза тауып, жетеуі із-түзсіз жоғалды
АСТАНА. ҚазАқпарат - Орталық Моңғолиядағы Хангай тау сілемдеріндегі қар көшкіні салдарынан кем дегенде 10 альпинист қаза тауып, тағы жетеуі із-түзсіз жоғалды.
Қайғылы оқиға жайлы дүйсенбіде МОНЦАМЭ агенттігі хабарлады.
Моңғолия вице-премьері Улзийсайхана Энхтувшиннің тікелей қатысуымен Отгонтэнгэр таулы ауданында іздестіру-құтқару жұмыстары жүріп жатыр. Билік бұған 100 құтқарушыны, екі тікұшақ және басқа да техникаларды жұмылдырған.
Отгонтэнгэр - Хангай тау массивтерінің ең биік (4 мың метр) тауы. Әрі қасиетті орын саналатын бұл жер Моңғолия үкіметінің қорғауында.
фото: altay4x4.ru
