Моңғолияда 28 маусымда парламент сайлауы өтеді

2024 жылғы 28 маусымда Моңғолияда парламент сайлауы өтеді. Kazinform бұл туралы МОНЦАМЭ агенттігіне сілтеме жасап хабарлайды.

Моңғолияның Ұлы Мемлекеттік Хуралы кезекті пленарлық отырыста келесі парламент сайлауын 2024 жылы өткізу туралы қаулы жобасын қарастырды.

Демократиялық партия фракциясының жобаны талқылау үшін парламенттен алған үзіліс мерзімі өтіп кеткеніне байланысты, дауыс беру өткізіліп, қаулы жобасы мақұлданды.

Жарлыққа сәйкес, кезекті парламент сайлауы 2024 жылғы 28 маусымда өтеді.