Моңғолияда әйелдер орта есеппен 26 жаста тұрмысқа шығады

АСТАНА. KAZINFORM — Моңғолияда кәсіпорындар мен ұйым басшыларының 41%-ын әйелдер құрайды, деп хабарлайды Монцамэ.

Моңғолияның Ұлттық статистика комитеті мәліметінше, елдегі кәсіпорындар мен ұйымдардың 41%-ын әйелдер басқарады.

Статистикаға сәйкес, моңғолиялық әйелдердің орташа өмір сүру ұзақтығы 77,1 жыл, ал некеге тұрудың орташа жасы — 26,7 жас.

Елдегі ең қарт әйелдің жасы 108-де екені белгілі.

Сонымен қатар өткен жылы дүниеге келген сәбилердің 48,3%-ы қыз балалар болған. Жалпы әйелдер ел халқының 50–51%-ын құрайды.

Қазіргі уақытта Моңғолия халқы шамамен 3,5 миллион адам болса, оның ішінде 1,74 миллионы — әйелдер.

Бұған дейін Моңғолияда 2050 жылға қарай әр бесінші адам зейнет жасына жететінін жазған болатынбыз.

Сондай-ақ, Моңғолияда 100-дегі әже шабандоздар фестиваліне қатысқаны айтылды.