Монғолияда өмір сүру жасы өсті
АСТАНА. ҚазАқпарат - 2014 жылғы статистикалық деректерге сай Моңғолиядағы өмір сүрудің орташа жасы өсті, деп мәлімдеді кеше Монғолия президенті Ц.Элбэгдорж «Ана даңқы» форумында.
1989 жылы елдегі өмір сүрудің орташа ұзақтығы - 63, ал өткен жылы 69 жасты құрады.
Президент Ц.Элбэгдорж аналарға күміс монеталарды сыйлады. Бұл монеталар Монғолиядағы үш миллионыншы тұрғынның тууына арналған. Бұл ел тұрғындарының саны ағымдағы жылы қаңтардың аяғында 3 млн адамға жетті. Миллионыншы азамат Моңғолияда 1962 жылы, екі миллионыншы азамат 1988 жылы туған, деп хабарлады Синьхуа.
