Моңғолияның басым бөлігі ақ жұттан зардап шегіп отыр

Моңғолияның 20 әкімшілік-аумақтық бірлігіндегі 166 елді мекен ақ жұттан (табиғи апат) зардап шексе, тағы 81 елді мекендегі жағдай күрделі болып отыр. Kazinform агенттігі бұл туралы khovar.tj-ге сілтеме жасап хабарлайды. 

«Бұл ел аумағының 90 пайыздан астам бөлігін қалың қар басқанымен тікелей байланысты», - делінген елдің Төтенше жағдайлар жөніндегі бас басқармасының хабарламасында.

Мамандардың атап өтуінше, қыс мезгіліндегі экстремалды ауа райы жағдайы адамдарға әртүрлі әсер етеді. Алайда кіріс көздерін әртараптандыруға шамасы келмей, ең көп зардап шегетін Моңғолия малшылары.

Елдің Ұлттық статистикалық комитетінің мәліметінше, 2023 жылдың соңына қарай Моңғолияда жалпы мал басы 9,1 пайызға қысқарып, 64,7 млн бас болды.

Ақ жұт немесе қысқы тақыршылық — жайылымдық аймақтарда малдың қар жамылғысының астынан қорек таба алмай, соның салдарынан аштық пен суықтан қырылатын табиғи апат.