Мотоциклмен соқтығысып, жарақат алған Бельгия велошабандозы қайтыс болды
АСТАНА. ҚазАқпарат - Гент-Вевельгем жарысының барысында ауыр жарақаттар алған бельгиялық велошабандоз Антуан Демуатье Лилль қаласының ауруханасында қайтыс болды, деп хабарлайды Би-би-си.
Бұған дейін хабарланғандай, жарыс кезінде 25 жастағы Демуатье құлап түскен сәтте оны мотоцикл басып кеткен. Ауыр халде болған спортшы ауруханаға жеткізілді.
Аймақтық жандармерия пресс-атташесінің айтуынша, оқиғаның мән-жайларын анықтау мақсатында тергеу амалдары жүргізіліп жатыр.
