МС Сайлаубек енді жарнама «жұлдызы» болуы мүмкін

АСТАНА. ҚазАқпарат - Ғаламтор жұлдызына айналған «МС Сайлаубек» енді жарнамаларға түсе бастады. Видеолардың бірі ғаламторға шығып үлгерді, деп жазады baistars.kz.

Аяқ киім дүкенінің екі жылдық мерекесіне орай рэпер ерекше композицияларының бірін орындаған.

Естеріңізге сала кетсек, Сайлаубектің ең алғашқы видеосы 2015 жылдың ақпан айында шыққан. Кейіннен ғаламторда жаңа жұлдызға немесе барлығы MC деп атаған Сайлаубекке байланысты «күлкілі» видеолар мен пародиялар көп тарала бастады. Сонымен қатар «ВКонтакте» әлеуметтік желісінде рэпердің жанкүйерлер парақшасы ашылды. Ал «Орда» тобы Сайлаубекті концертте өздерімен бірге өнер көрсетуге шақырды. Қазіргі таңда Қазнет қолданушылары екі түрлі пікірде. Бірі атыраулық репэрдің өнеріне тәнті, ал екінші жақ психикалық аурумен ауыратын адамды елдер мазақ етіп жүргеніне ашулы.