Мүмкіндігі шектеулі жандар арасындағы «Бәріміз бірдейміз - кемсітуді білмейміз» сайысының жеңімпаздарын 13 тамыз күні Астанада марапаттайды
АСТАНА. 12 тамыз. ҚазАқпарат - Мүмкіндігі шектеулі жандар арасындағы «Бәріміз бірдейміз - кемсітуді білмейміз» республикалық байқауының жеңімпаздарын салтанатты марапаттауы 13 тамыз күні өтеді, деп хабарлады Астана қаласының жұмыспен қамту және әлеуметтік бағдарламалар басқармасының баспасөз қызметінен.
«Астанада мүмкіндігі шектеулі жандар арасындағы республикалық «Бәріміз бірдейміз - кемсітуді білмейміз» байқауының аясында 2013 жылдың 2-7 тамыз аралығында іріктеу кезеңі өтті. Әр аталым бойынша қазылар байқаудың жеңімпаздарын анықтады» деп ведомствоның баспасөз хабарламасында жазылған.
Салтанатты марапаттау рәсімі 13 тамыз күні Оқушылар сарайында (Б. Момышұлы даңғылы, 5) 15-00-де өтеді. Марапаттау 8 аталым бойынша: «Үздік әлеуметтік жоба», «Ең үздік мамандық иесі», «Үздік би», «Үздік орындаушы», «Ең тату отбасы», «Үздік жасампаз», «Үздік спортшы» және «Жеңіске жігер танытқаны үшін» дипломдар мен бағалы сыйлықтарға ие болады.
