Мұнай бағасы 2 доллардан аса бағаға төмендеп кетті
АСТАНА. 17 қараша. ҚазАқпарат - Әлемдік нарықтағы мұнай бағасы бір баррель үшін 2 доллардан аса бағаға төмендеп кетті, деп хабарлайды РБК агенттігі.
16 қараша күнгі Нью-Йорктегі New York Mercantile Exchange (NYMEX) жедел тауар биржасындағы WTI (Light Sweet) мұнай бағасы сауда қорытындысы бойынша 2,52 долларға төмендеп, 82,34 доллар/баррельді құрады.
InterContinental Exchange Futures Europe (IСE Futures Europe) Лондон биржасындағы Brent Crude Oil маркалы мұнай бағасы сауда қорытындысы бойынша 2,03 долларға төмендеп, 84,73 доллар/баррельді құрады.
