Мұнай бағасы 60 доллардан асты
НҰР-СҰЛТАН. ҚазАқпарат - Лондон мен Нью-Йорктің шикізат биржаларында бейсенбі күні өткен сауда-саттық қорытындысы бойынша мұнай бағасы көтерілді, деп хабарлайды ҚазАқпарат.
Лондондағы ICE Futures биржасында қазан айында жеткізілетін Brent маркалы мұнайдың бағасы 0,57 долларға қымбаттап, баррелі 61 долларды құрады.
Нью-Йорк тауар биржасында (NYMEX) қазан айында жеткізілетін WTI маркалы мұнай құны 0,93 долларға көтеріліп, бір баррелі 56,71 доллар болды.
