Мұнай бағасы 81,45 долларға дейін түсті
АСТАНА. Сәуірдің 20-сы. ҚазАқпарат - Сәуірдің 19-ында өткен сауданың қорытындысы бойынша Нью-Йоркте Light Sweet маркалы мұнайдың бағасы 1,79 долларға төмендеп, 81,5 доллар/баррелді құрады. Ал Лондон биржасында Brent мұнайының бағасы 1,76 долларға арзандап, 84,23 доллар/баррелді шамалады,
деп хабарлайды РБК агенттігі.
Сарапшылардың атап көрсетуінше, мұнай бағасының төмендеуіне Исландиядағы жанартаудың атқылауы салдарынан Еуропаға авиациялық отынға деген сұраныстың төмендеуі себеп болып отыр. Олардың пікірінше, бұл фактор мұнай бағасы қысқа ғана мерзімге әсер етуі мүмкін, түтін сейілген соң, баға қайта қалпына келуі ықтимал.
Естеріңізге сала кетейік, Еурокомиссия кеше ұшу сапарларын жартылай жандандыру туралы шешім қабылдады. Қабылданған шешімге сәйкес, барлық еуропалық кеңістік жанартау күлінің атмосферадағы құрамына қатысты үш аумаққа бөлінетін болады. Тәуекел деңгейлеріне байланысты әр аумаққа арнап ұшу кестесі әзірленбек.
