Мұнай бағасы арзандауын тоқтатар емес

АСТАНА. Тамыздың 20-сы. ҚазАқпарат - Инвесторлардың АҚШ экономикасының қалпына келу қарқынына қатысты алаңдаушылықтарына байланысты бейсенбі, тамыздың 19-ында әлемдік нарықтарда мұнайдың бағасы тағы төмендеді, деп хабарлайды «РИА «Новости» агенттігі.

Нью-Йорк биржасында Light Sweet Crude Oil маркалы мұнайдың қыркүйек айына жасалған фьючерстерінің бағасы 0,99 долларға арзандап, 74,43 доллар/баррельді құраса, Лондон биржасында Brent Crude Oil маркалы мұнай фьючерстерінің бағасы 1,17 долларға төмендеп, 75,30 доллар/баррельді шамалады.