Мұнай бағасы көтеріліп келеді
ЛОНДОН. ҚазАқпарат – Бүгін, яғни бейсенбіде мұнай бағасы өсіп жатыр, деп хабарлайды ҚазАқпарат.
Оған Investing.com сайтындағы биржалық сауда деректері дәлел. Brent маркалы мұнайдың шілдедегі фьючерс бағасы ICE Futures Лондон биржасында қазіргі уақытта барреліне $30,24 болып тұр. Бұл алдыңғы сессияның жабылу кезіндегі бағасынан $1,04-ға (3,56%) артық. Ашылу кезінде Brent барреліне 29,41 долларға саудаланды, бұл жабылу кезіндегі ($29,19) сауда дәрежесінен 22 центке жоғары.
