Мұнайды терең өңдейтін шағын зауыттар құрылыс туралы ойлау керек - А. Милютин

АСТАНА. 5 наурыз. ҚазАқпарат - Мұнайды терең өңдейтін шағын зауыттар құрылыс туралы ойлау керек.

Бүгін Мәжілісте «Ішкі нарықты мұнаймен және мұнай өнімдерімен қамтамасыз ету» және  «Қарашығанақ жобасының үлесін мемлекеттің сатып алуы» тақырыптарындағы Үкімет сағаты барысында  депутат Александр Милютин осылай мәлім етті.

«Неге біз Қазақстандағы жанар-жағармайға қатысты тек үш зауыттың проблемаларын айта береміз? Бәлкім заманауи, соңғы технологияларға негізделген мұнайды терең өңдейтін шағын зауыттар құрылысын салу туралы ойлану керек шығар. Бұл үшін инвесторларға тиісті жағдайлар жасалуы керек. Біздің бүгінгі шағын зауыттарымыз төменгі октанды бензин мен дизелдік отын ғана шығарып отыр, олардың орнын заманауи шағын зауыттармен алмастыру қажет», - дейді депутат А. Милютин.