Мұнайдың әлемдік бағасы көтерілді
АСТАНА. Шілденің 16-сы. ҚазАқпарат - Жетекші мұнай биржаларында шілденің 15-інде болған сауданың қорытындысы бойынша мұнайдың әлемдік нарықтағы бағасы көтерілді.
Сарапшылардың айтуынша, оған тоқсандық корпоративтік есеп-қисаптың оң қалыптасуы мен АҚШ-та шикізат қоры көлемінің азаюы туралы ақпарат себеп болып отыр.
Сонымен, алдағы айдағы мұнай фьючерстерінің ресми бағасы: IPE Brent Crude маркалы мұнай үшін - 2,23 долларға көтеріліп, 63,09 доллар/баррельды құраса, Нью-Йорк биржасында - Light, Sweet Crude Oil маркалы мұнай үшін - 2,02 долларға көтеріліп, 61,54 доллар/баррельге жетіп отыр.
