Мұз бен газдалған сусынды араластырып ішу денсаулық үшін зиянды
АСТАНА. 31 желтоқсан. ҚазАқпарат - Салқын ішімдіктер, оның ішінде су семіздік пен диабетті дамыта түседі, деп санайды Арканзас университетінің ғалымдары. Белгілі болғандай, суық тәтті сезуді тежейді. Нәтижесінде, адамның дәм сезуі өзгеріп, тәтті ішімдіктер мен өнімдерге деген сұранысы артады, деп жазады meddaily.ru.
Өткізілген тәжірибе кезінде еріктілерге түрлі температурадағы су берілді, онымен ауызды шаю керек болды. Кейін олар шоколад пен ірімшік жеген. Адамдар шоколадтың дәмі айтарлықтай қанық емес екенін, сол себепті оның аса ұнамағанын айтқан. Ал ірімшіктің дәмі су температурасына қарамастан біркелкі танылды.
Яғни, суық тілдегі дәм сезу рецепторларының сезімталдығын төмендететін болу керек. Сол себепті газдалған сусын сияқты салқын ішімдіктер қантты тым көп қолдануды өршіте түседі. Бұл семіздік және ағзадағы басқа да ауытқуларға әкеп соғады.
