«МузАрт» қатарынан екі концерт береді
АСТАНА. 18 маусым. ҚазАқпарат - Астананың 14-жылдық мерекесі күндері отандық әйгілі «МузАрт» тобының шығармашылық кеші өтеді.
Топ шығармашылығының негізгі бағыттары - эстрадалық және қазақ халық әндері. Олардың әндерін аға буын мен жастар сүйіп тыңдайды. Әнсүйер қауым МузАрттың шығармашылығын жоғары бағалайды. Сондықтан қазіргі жастардың топтың әндерін жатқа айтуы бекер емес.
Шығармашылық кеш 6 шілдекүні «Қазақстан» орталық концерт залында өтеді. «МузАрт» тобы сол күні сағат 16.00 және 20.00 екі концертті қатарынан береді.
