Мьянманың оңтүстігінде 100 кг есірткі тәркіленді

АСТАНА. KAZINFORM – Мьянма билігі жақында өткізген операция барысында  100 кг метамфетамин, 13 кг кетамин есірткісін тәркілеген. Бұл туралы Синьхуа агенттігі жазды. 

Нашақорлыққа қарсы Орталық комитетінің мәліметінше, 25 сәуір күні полиция Вав қалашығындағы Баго аймағында жүк көлігін тінту барысында  құны 3,7 млрд кьятка яғни 1,76 млн болатын есірткіні тәркілеген. Сондай -ақ төрт мобильді құрылғы табылған. 

Бұл қылмысқа қатысы бар үш күдіктіге ұлттық заңға сай айып тағылып, тиісті шаралар қолданылған.