Мықты жем-шөп базасын құрмайынша, мал шаруашылығын дамыту мүмкін емес - А. Күрішбаев
АСТАНА. Шілденің 9-ы. ҚазАқпарат /Ернұр Ақанбай/ - Биыл мал азығын қажетті көлемде дайындау аса маңызды. Өйткені біз алдымызға мал шаруашылығын жылдам дамыту жөнінде ауқымды жоспарлар қойып отырмыз.
Бұл пікірді бүгін Ауыл шаруашылығы министрлігінің алқа мәжілісінде министр Ақылбек Күрішбаев айтты, деп хабарлайды ҚазАқпарат.
А. Күрішбаев қазіргі таңда мықты жем-шөп базасын құрмайынша, мал шаруашылығын дамыту мүмкін еместігін атап көрсетті. «Ағымдағы жылдың ауа-райы жағдайы біздің еліміздің барлық өңірлерінде іс жүзінде кем дегенде бір жарым жылға жететін, ал бірқатар облыстарда екі жылдық жем-шөп қорын дайындауға мүмкіндік беріп отыр. Сондықтан қазіргі сәтте қолайлы ауа-райын және егістің жақсы түсімін пайдаланып, жем-шөптің қажетті көлемін дайындап алу қажет», деді ол.
