Мысырда автобус каналға құлап, 8 адам қаза тапты
НҰР-СҰЛТАН. ҚазАқпарат – Мысырда микроавтобустың жер суару каналына түсіп кетуі салдарынан сегіз адам қаза тапты. Бұл туралы ҚазАқпарат Al Youm As Sabi жаңалықтар порталына сілтеме жасап хабарлайды.
Қайғылы оқиға Мысыр астанасының оңтүстігіндегі Гиза пирамидаларына жақын орналасқан Эль-Марьютия ауданында болған.
Алдын ала мәліметке қарағанда, көлік жүргізушісі рульге ие бола алмай, салдарынан микроавтобус аударылып, каналға түсіп кеткен. Құтқарушылар жеті адамды судан аман алып шыға алды.
