Мысырда екі кеме соқтығысып, 18 адам қаза тапты (ФОТО)

АСТАНА. ҚазАқпарат - Ніл өзенінде екі кеменің соқтығысуынан 18 адам қаза тапты, деп хабарлады Мысыр билігі.

Елдің денсаулық сақтау министрлігінің өкілі хабарлағандай, бортында 40-қа жуық адам болған круиз катері құрғақ жүк таситын кемемен соқтығысқан, деп хабарлады Би-Би-Си.

Қазіргі уақытта 18 адамның мәйіті табылды, бес адам құтқарылды, қалғаны әзірге жоғалған деп есептеледі.

Полиция құрғақ жүк таситын кеменің капитаны мен оның көмекшісін мәселенің мән-жайын білгенше қамауға алды.