Мысырда екі жолаушылар пойызы соқтығысты
АСТАНА. 22 тамыз. ҚазАқпарат - 21 тамыз, жексенбі күні Мысырда екі жолаушылар пойызы соқтығысты. Жергілікті БАҚ-тың хабарлауынша, кем дегенде 15 адам зардап шекккен.
Алдын ала жасалған мәліметтер бойынша, апатты жағдай бағыттаушының бір бағытта қарама қарсы келе жатқан екі жолаушылар пойызына «жасыл жарық» ашқанынан болған көрінеді. Абырой болғанда, екі пойыз да жай жылдамдықпен қозғалып келе жатқан. Сондықтан адам шығынына жол берілген жоқ, деп хабарлайды ИТАР-ТАСС.
Оқиғаға байланысты прокуратура тергеу жұмыстарын бастады.
