Мысырда көліктегі бомба жарылып, 25 сарбаз мерт болды
АСТАНА. ҚазАқпарат - Мысырда Синай жарты аралындағы тексеру бекетінде болған жарылыстан 25 әскери қызметші қаза тапты. Бомба көлікке қойылған, деп хабарлады ВВС.
Қарулы шабуылдан тағы да 10 сарбаз зардап шеккен. Болжам бойынша, олар - «жиһадшылар». Мысыр Президенті Әбдул Фаттах Сиси осы жағдайға байланысты Ұлттық қауіпсіздік кеңесін шақырды. Осыған ұқсас қарулы шабуылдар былтыр экс-президент Мохаммад Мурсиді тақтан тайдырған соң жиілеп кетті.
