Мысырдағы парламент сайлауы кейінге шегерілді

АСТАНА. 8 наурыз. ҚазАқпарат - Мысырдың әкімшілік соты келесі айда өтуі тиіс парламент сайлауының уақытын кейінге шегерді.

Соттың ел үшін аса маңызды қадамды кейінге қалдыруына, ең алдымен, алдағы сайлаудың негізгі заңға сай келетіні жөнінде Жоғарғы конституциялық соттың әлі шешім қабылдамағаны себеп болды. Бұл туралы muslim.kz сайты хабарлады.

«Ел тізгінін ұстаған Мұхаммед Мурси парламент сайлауын өткізу мерзімін сәуірдің 22-не белгілеген болатын. Сайлау төрт кезеңнен тұратындықтан екі айға созылатынын айта кету керек», деп жазады Астанадағы Әзірет Сұлтан мешітінің ресми сайты.