Н.Назарбаев: ХХІ ғасыр - бірлік пен достықтың қуатымен озатын ғасыр
АСТАНА. ҚазАқпарат - ХХІ ғасыр - бірлік пен достықтың қуатымен озатын ғасыр. Бүгін Астанадағы Тәуелсіздік сарайында қайта сайланған Қазақстан Президенті Нұрсұлтан Назарбаев Қазақстан халқына ант беріп, қызметіне ресми кіріскен соң сөйлеген сөзінде осылай айтты.
«ХХІ ғасыр - бірлік пен достықтың қуатымен озатын ғасыр. Біз бейбітшілік пен келісімге, татулық пен тұрақтылыққа тәу етіп, тәубе дейміз. Осы құндылықтарымыздың қадіріне жету арқылы Мәңгілік Ел боламыз. Сол жолда талмай еңбек етейік, қадірлі халқым!», - деді Н.Назарбаев.
«Қазақстанның жұлдызы жоғары, жолы нұрлы болсын. Елдіктің туы биікте желбіреп, абыройымыз асқақтай берсін!», - деп аяқтады сөзін Мемлекет басшысы.
