Н.Назарбаев министрліктер мен аймақтардың бірқатар басшыларын қызметтерінен босату туралы Жарлықтарға қол қойды
АСТАНА. 20 қаңтар. ҚазАқпарат - Мемлекет басшысы Нұрсұлтан Назарбаевтың Жарлықтарымен басқа жұмысқа ауысуына байланысты:
Әшім Нұрғали Сәдуақасұлы Қазақстан Республикасының қоршаған ортаны қорғау министрі қызметінен;
Дьяченко Сергей Александрович Ақмола облысының әкімі қызметінен;
Ізмұхамбетов Бақтықожа Салахатдинұлы Батыс Қазақстан облысының әкімі қызметінен;
Жұмабеков Оңалсын Исламұлы Қазақстан Республикасының Жоғарғы Сот Кеңесінің Төрағасы қызметінен;
Қожамжаров Қайрат Пернешұлы Қазақстан Республикасының экономикалық қылмысқа және сыбайлас жемқорлыққа қарсы күрес агенттігі (қаржы полициясы) төрағасы қызметінен босатылды.
Бұл туралы ҚР Президентінің баспасөз қызметі хабарлады.
