Н.Назарбаев ШЫҰ аясында Еркін сауда аймағын құру шарттарын атады

ТАШКЕНТ. ҚазАқпарат - Сауда-экономикалық ынтымақтастықты тереңдету ШЫҰ аясындағы Еркін сауда аймағын құру шарттарын қамтамасыз етеді. Шанхай Ынтымақтастық Ұйымына мүше мемлекеттер басшылары кеңесінің кеңейтілген құрамдағы отырысында ҚР Президенті Нұрсұлтан Назарбаев осындай ұсыныс жасады.

ҚР Президенті өз сөзінде Қазақстанда құрылған «Астана» халықаралық қаржы орталығының әлеуетін белсенді іске қосу дер уақытында жүргізіліп жатқанын атап өтті. «Ол тәуелсіз заң жүйесі мен жеңілдікті салықтық режімі бар өңірлік қаржы-инвестициялық хабқа айналуға негізделген», - деді Елбасы.

Сонымен бірге, Мемлекет басшысы өңірдегі макроэкономикалық дамуды ынталандыру үшін Азиялық инфрақұрылымдық инвестиция банкінің мүмкіншіліктерін пайдалану маңыздылығын баса айтты.

«Сауда-экономикалық және қаржы-инвестициялық ынтымақтастықты тереңдету болашақта ШЫҰ аясындағы Еркін сауда аймағын құру үшін қажетті шарттарды қамтамасыз етеді», - деді Н.Назарбаев.