Н. Назарбаев В. Путинге Охот теңізінде кеменің апатқа ұшырауына байланысты көңіл айтты
АСТАНА. ҚазАқпарат - Мемлекет басшысы Нұрсұлтан Назарбаев Ресей Федерациясының Президенті Владимир Путинге Охот теңізінде «Дальний Восток» кемесінің апатқа ұшырауына байланысты көңіл айту жеделхатын жолдады.
Бұл туралы Ақорданың баспасөз қызметінен хабарлады.
Елбасы жеке өзінің және Қазақстан халқының атынан Ресей Президентіне және қаза болғандардың отбастарына көңіл айтып, зардап шеккендердің тезірек сауығып кетуіне тілектестік білдірді.
