Н.Назарбаевтың бұрын жарияланбаған фотосуреттері Instagram-ға салынады
АСТАНА. ҚазАқпарат - Ақорданың баспасөз қызметі Facebook әлеуметтік желісіндегі ресми парақшасында Мемлекет басшысының бұрын жарияланбаған суретін орналастырды.
«Бұл кадр Қазақ хандығының 550 жылдығын мерекелеу аясында Тараз қаласына сапары кезінде түсірілген», - деп жазылған фотоның астында.
Атап өтілгендей, бұл фотосурет Нұрсұлтан Назарбаевтың қатысуымен өткен, бұрын БАҚ беттерінде жарияланбаған фотосуреттер жиналған Мемлекет басшысының «Президент: бейресми ракурс» атты кітабынан алынды.
Олардың кейбіреулері апта сайын Ақорданың Инстаграмдағы ресми парақшасында орналастырылатын болады.
