Нью-Йорк губернаторы мінген тікұшақ апатты жағдайда қонды
АСТАНА. ҚазАқпарат - Нью-Йорк штатының губернаторы мен оның көмекшілері бар тікұшақ сәрсенбі күні Оранж округінде апатты жағдайда қонуға мәжбүр болды.
Ұшқышқа тікұшақты Стюарт әуежайына қондыра алудың сәті түсті. Ешкім зардап шеккен жоқ, деп хабарлайды Эй-би-си телекомпаниясы.
Олардың дерегіне сүйенсек, куәгерлер тікұшақтың қою түтінге оранып, қонғанын көрген. Оқиғаның мән-жайы айтылмай отыр.
Куомо көмекшілерімен бірге штаттың астанасы Олбани қаласынан қайтып келе жатқан. Сәрсенбі күні губернатор штаттың заңнамалық ассамблея мүшелерінің алдында бағдарламалық сөз сөйлеген еді.
