Нью-Йорк метросында екі адам жаға жыртысып, пойыз астына түсіп қалды
АСТАНА. 16 қаңтар. ҚазАқпарат - Нью-Йорк метросында болған төбелестің салдарынан бір адам мерт болды, тағы біреуі ауыр жарақаттар алды, деп хабарлады Fox News.
Хабарланғандай, перронда пойыз күтіп тұрған жолаушылар арасындағы жаға жыртыс кешқұрым орын алды. Олар төбелес кезінде рельске құлап кетіп, пойыз астына түсті. Салдарынан бірі алған жарақаттарынан оқиға орнында метр болды, екіншісі қазіргі уақытта ауруханада жатыр. Дәрігерлер оның жағдайын ауыр деп бағалауда, деп хабарлады РБК.
Атап өтейік, бұл Нью-Йоркте соңғы бірнеше айда орын алған үшінші оқиға. Атап айтқанда, 2013 жылдың қаңтар айында полиция метро жолаушысын пойыз астына қасақана итеріп жіберген әйелді тұтқындаған болатын.
