Нью-Йоркта Бүкіләлемдік бокс суперсериясы өтеді

АСТАНА. ҚазАқпарат -Нью-Йорк қаласында Бүкіләлемдік бокс суперсериясы өтеді, ол ағымдағы жылдың қыркүйегінде бастау алады, деп хабарлайды ҚазАқпарат dodasport.kz сайтына сілтеме жасап.

Ұйымдастырушылар оның әлемдегі ең үлкен турнирге айналатынына сенімді.

Жеңімпаз боксшы «Muhammed Ali» трофейі мен 50 млн доллар сыйақы алады.

Ширек финалдан басталатын кездесулер қыркүйек және қазан айында өтеді. Жартылай финал - келесі жылдың қаңтар және ақпан айларына, ал финалдық кездесу 2018 жылғы мамырға жоспарланған. Жарыс екі салмақ дәрежесі бойынша жүргізіледі.