Нью-Йоркте де қазақ тілін үйретеді
НЬЮ-ЙОРК-АСТАНА. 28 қазан. ҚазАқпарат - Қазақстанның Нью-Йорктегі Бас консульдығының балалар арасында қазақ тілін оқыту курсын ашу бастамасы қазақ диаспорасы өкілдерінің арасында қызу қолдауға ие болды.
Бас консульдықтың таратқан ақпаратында айтылғандай, осы мақсатты жүзеге асыру үшін әлемдегі ең беделді оқу орындарының бірі - Нью-Йорк университетінде қазақ тілінен дәріс беретін қазақ тілі пәнінің мұғалімі Райхан Бексұлтанова жұмысқа тартылды.
Қазіргі таңда оқу курстары апта сайын ақылы негізде өтіп отырады. Оған әртүрлі жастағы 10 бала қатысуда.
Бас консульдық болса оқу жәрдемақысына кететін шығынды өз мойнына алды.
