Нью-Йорктегі салмақ өлшеу рәсімі: Головкин - 72,3 келі, Лемье - 72,5 келі (ФОТО, ВИДЕО)

АСТАНА. ҚазАқпарат - 17 қазан күні WBA (Super) және WBC (Interim) нұсқалары бойынша орта салмақтағы (72,6 келіге дейін/ 160 фунт) 33 жасар қазақстандық боксшы Геннадий Головкин IBF нұсқасы бойынша осы салмақтағы әлем чемпионы 26 жасар канадалық Давид Лемьемен кездеседі, деп хабарлайды sports.kz.

Жекпе-жек АҚШ-тың Нью-Йорк қаласындағы Madison Square Garden аренасында өтеді.

16 қазан күні түнде боксшылар ресми салмақ өлшеу рәсімінен өтті. Головкиннің салмағы 72,3 келі / 159,4 фунтты құраса, Лемьенің салмағы 72,5 келі / 159,8 фунт болды.