05:22, 28 Тамыз 2014 | GMT +5
НАНКИН-2014: Қазақстандық гимнастшы қыздар қола жүлде иеленді
АСТАНА. ҚазАқпарат - Нанкинде өтіп жатқан жасөспірімдер олимпиадасында Қазақстан көркем гимнастика құрамасы топтық жарыста қола жүлде алды.

Құрамында Әмина Қожахмет, Әлия Молдахметова, Виктория Гуслякова, Елизавета Майновская, Дарья Медведева, Нұрай Құмарова сынды спортшылар бар Қазақстан құрамасы Ресей мен Болгариядан ұтылып қалса да, Өзбекстан, Канада, Мысырдың спортшыларын артқа тастады. Осымен Қазақстан Нанкиндегі Олимпиадада үш алтын, бір күміс, төрт қола медаль иеленді. Нанкиндегі жасөспірімдер Олимпиадасында жарыстар толық аяқталды. Жабылу салтанаты 28 тамызда өтеді, деп хабарлайды аlaman.kz.