NASA ғалымдары Күн бетіндегі қуатты жарылыс кадрларын жариялады

АСТАНА. ҚазАқпарат - NASA обсерваториясының таспалары 13 қазан күні Күн бетінде болған қуатты жарылысты жазып алды, деп хабарлайды РИА «Новости».

Алынған суреттердің негізінде монтаждалған бейнежазба ғарыш агенттігінің сайтында жарияланған.

Онда жұлдыздың үстінде көтеріліп, кейін бірте-бірте сөніп бара жатқан протуберанец көрініп тұр. Бейнежазбаның түсіндірмесінде жазылғандай, протуберанецтер - күннің бетіне қайнап, қызып шыққан газдар.

Жарылыстан кейін газдар қайта Күн бетіне оралады.